ترکیہ: بڑی مقدار میں لوبیا پکانے کا عالمی ریکارڈ

ترکیہ کے شہر کیل کیٹ (Kelkit) نے ایک بڑے پیمانے پر روایتی انداز میں لوبیا پکا کر گینیز ورلڈ ریکارڈ اپنے نام کر لیا ہے۔ مقامی حکام اور منتظمین کی جانب سے 22 اگست کو تقریباً 1807 گیلن یعنی لگ بھگ 6840 لیٹر بیکڈ بینز تیار کیے گئے، جو کہ تقریباً 15 ہزار کین کے برابر مقدار بنتی ہے۔ اس انوکھے ریکارڈ کا انتظام ‘کیل کیٹ چیمبر آف کامرس اینڈ انڈسٹری’، ‘گمش ہانے گورنر شپ’ اور ‘کیل کیٹ میونسپلٹی’ نے مشترکہ طور پر کیا۔

واضح رہے کہ کیل کیٹ کی مقامی خاص سوغات ‘کیل کیٹ شیکر فاسولییسی’ (Kelkit Şeker Fasulyesi) کہلاتی ہے، جو اس خطے میں پیدا ہونے والی لوبیا کی ایک انتہائی معروف اور اعلیٰ قسم مانی جاتی ہے۔ منتظمین نے گینیز ورلڈ ریکارڈز کے حکام کو بتایا کہ یہ اعزاز کیل کیٹ، گمش ہانے اور پورے خطے کے لیے ایک تاریخی کامیابی ہے، جس کے ذریعے ان کے زرعی ورثے، مقامی پیداوار اور اجتماعی کاوشوں کو عالمی سطح پر بھرپور پہچان ملی ہے۔

اس شاندار کامیابی کے بعد کیل کِیٹ نے دنیا کے سب سے بڑے برتن میں بیکڈ بینز پکانے کا نیا ریکارڈ قائم کر دیا ہے، جبکہ اس سے قبل یہ اعزاز 1479.36 گیلن کے ساتھ قائم تھا۔ اس عالمی ریکارڈ کے قائم ہونے کے بعد مقامی سطح پر خوشی کی لہر دوڑ گئی ہے اور اسے علاقے کی زرعی شناخت کے لیے باعثِ فخر قرار دیا جا رہا ہے۔