’میدان‘ کے پہلے ٹیزر نے ریلیز ہوتے ہی دھوم مچادی

پاکستان میں خواتین فٹبالرز کے خوابوں اور ان کی جدوجہد پر مبنی نئی ٹیلی فلم ’میدان‘ کا پہلا ٹیزر جاری کر دیا گیا ہے، جس نے ریلیز ہوتے ہی سوشل میڈیا پر دھوم مچا دی ہے۔ اس ٹیلی فلم کی کہانی نڈر اور باہمت خواتین کے گرد گھومتی ہے جو معاشرتی چیلنجز کے باوجود خواب دیکھنے کی جرات کرتی ہیں، ہر رکاوٹ کو عبور کرتے ہوئے آگے بڑھتی ہیں اور اپنے عزم سے دوسروں کے لیے حوصلہ بنتی ہیں۔ ٹیزر میں دکھایا گیا ہے کہ سینئر اداکار فیصل قریشی ممکنہ طور پر خواتین کی اس فٹبال ٹیم کے کوچ کا کردار نبھا رہے ہیں، جبکہ معروف اداکارائیں دنانیر مبین، رومیسہ خان، وردہ عزیز اور مہر بانو میدان میں فٹبال کھیلتی اور مہارت دکھاتی نظر آ رہی ہیں۔ اس شاندار ٹیلی فلم کی ہدایت کاری کے فرائض عظمیٰ زکریا نے انجام دیے ہیں جبکہ اس کی متاثر کن کہانی نامور مصنفہ ردین شاہ نے تحریر کی ہے۔