LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی 10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم ایم کیو ایم پاکستان کا وزیراعلیٰ سندھ مراد علی شاہ سے پھر استعفے کا مطالبہ بانی پی ٹی آئی اور بشریٰ بی بی کی جیل میں ملاقات کرا دی گئی روس یوکرین میں ڈرون جنگ شدت اختیار کرگئی، دونوں جانب بھاری نقصانات موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ

خلع کے وقت نصف حق مہر کی واپسی کا معاملہ: سپریم کورٹ میں اہم قانونی و شرعی نقطے پر سماعت، ڈاکٹر بابر اعوان اور ڈاکٹر انعام اللہ عدالتی معاون مقرر

Web Desk

23 July 2026

سپریم کورٹ کے 5 رکنی شریعت اپیلیٹ بنچ نے خلع کے وقت خاتون کی جانب سے نصف حق مہر واپس کرنے سے متعلق کیس کی سماعت کی۔ بنچ کی سربراہی جسٹس جمال خان مندوخیل نے کی جبکہ بنچ میں جسٹس ملک شہزاد احمد خان اور جسٹس ڈاکٹر خالد مسعود سمیت دیگر ججز بھی شامل تھے۔

سماعت کے دوران عدالت نے اس اہم شرعی اور قانونی نکتے کی تشریح و معاونت کے لیے اسلامی نظریاتی کونسل کے شعبہ تحقیق کے سابق سربراہ ڈاکٹر انعام اللہ اور سینئر ایڈووکیٹ ڈاکٹر بابر اعوان کو عدالتی معاون (Amicus Curiae) مقرر کر دیا۔

جسٹس ملک شہزاد احمد خان نے استفسار کیا کہ “کیا خلع لینے پر حق مہر چھوڑنے کی کوئی قدغن لگائی جا سکتی ہے؟” انہوں نے کہا کہ شریعت کورٹ کے مطابق عورت پر نصف مہر کی واپسی کی قدغن نہیں لگ سکتی اور قرآنِ پاک کا حکم ہے کہ عورت کچھ دے کر جان چھڑوا سکتی ہے۔ جسٹس جمال مندوخیل نے نشاندہی کی کہ پنجاب حکومت کے قانون کے مطابق اگر عورت خلع لے تو اسے 50 فیصد مہر واپس کرنا ہوتا ہے، تاہم وفاقی شرعی عدالت اس قانون کو کالعدم قرار دے چکی ہے۔ ڈاکٹر بابر اعوان نے موقف اختیار کیا کہ اردو میں “کچھ” کا مطلب جزو ہوتا ہے، جس پر جسٹس جمال مندوخیل نے کہا کہ لفظ “کچھ” سے کیا مراد ہوگی، اس کا معیار مقرر کیا جا سکتا ہے۔ جسٹس ڈاکٹر خالد مسعود نے زور دیا کہ یہ بھی دیکھنا ہو گا کہ قرآنِ پاک میں اس حوالے سے کیا تفسیر بیان کی گئی ہے۔  ڈاکٹر بابر اعوان نے عدالت کو بتایا کہ مہر کی واپسی کے معاملے میں کئی خواتین کا استحصال ہوتا ہے۔ جس پر جسٹس ملک شہزاد احمد خان نے ریمارکس دیے کہ استحصال بعض اوقات دونوں اطراف سے ہوتا ہے؛ ایسے گروہ بھی سرگرم ہیں جو امیر شخص سے شادی کر کے دو ماہ بعد خلع لے لیتے ہیں۔

سماعت کے دوران جب ڈاکٹر بابر اعوان نے کہا کہ “ڈاکٹر خالد مسعود کو بنچ میں دیکھ کر اچھا لگا”، تو جسٹس جمال مندوخیل نے مسکراتے ہوئے پوچھا کہ “کیا باقی ججز کو دیکھ کر اچھا نہیں لگا؟” جس پر بابر اعوان نے جواب دیا کہ “سب کو دیکھنا اچھا لگا لیکن ڈاکٹر صاحب کو دیکھ کر خاص خوشی ہوئی”۔ اسی دوران جسٹس ملک شہزاد احمد کے “گڈ ٹو سی یو” (Good to see you) کہنے پر عدالت میں قہقہے لگ گئے۔ پنجاب حکومت کے ایڈیشنل ایڈووکیٹ جنرل نے عدالت کو بتایا کہ حکام کو علماء کرام سے رائے لے کر ہدایات دینے کی ہدایت کی گئی ہے۔ جس کے بعد سپریم کورٹ نے کیس کی مزید سماعت گرمیوں کی تعطیلات کے بعد تک کے لیے ملتوی کر دی۔