پنجاب اور خیبرپختونخوا میں بارشیں، 43 افراد جاں بحق، 177 زخمی، کئی گھر منہدم

پنجاب اور خیبرپختونخوا میں جاری شدید مون سون بارشوں، عمارتیں گرنے اور سیلابی صورتحال کے باعث ہونے والے جانی و مالی نقصانات کی رپورٹ جاری کر دی گئی ہے، جس کے مطابق دونوں صوبوں میں اب تک مجموعی طور پر 43 افراد جاں بحق جبکہ دسیوں زخمی ہو چکے ہیں۔

ترجمان پی ڈی ایم اے (PDMA) پنجاب کے مطابق صوبے بھر میں مون سون بارشوں سے جڑے مختلف حادثات میں 21 شہری جاں بحق اور 154 زخمی ہوئے ہیں۔ عمارتیں اور چھتیں گرنے سے 15، آسمانی بجلی گرنے سے 2، کرنٹ لگنے سے 3 اور پانی میں ڈوبنے سے ایک شخص جاں بحق ہوا ہے۔بارشوں کے باعث 38 مکانات کو جزوی نقصان پہنچا اور ایک مویشی ہلاک ہوا۔ ڈائریکٹر جنرل پی ڈی ایم اے پنجاب نے انتباہ جاری کیا ہے کہ مزید بارشوں کے باعث اربن اور فلیش فلڈنگ (موسلا دھار بارش کے فوری سیلابی ریلے) کا شدید خدشہ موجود ہے۔