کاوا والی بال چیمپیئن شپ ,سنسنی خیز مقابلے کے بعد سری لنکا نے نیپال کو ہرا دیا

کاوا (CAVA) والی بال چیمپیئن شپ کے دوسرے روز کھیلے گئے انتہائی سنسنی خیز اور ہائی وولٹیج مقابلے میں سری لنکا نے نیپال کو پانچویں اور فیصلہ کن سیٹ میں شکست دے کر فتح اپنے نام کر لی۔

میچ کے آغاز سے ہی دونوں ٹیموں کے درمیان زبردست اور کانٹے دار مقابلہ دیکھنے کو ملا، جہاں دونوں ٹیمیں ایک ایک پوائنٹ کے لیے سخت جدوجہد کرتی نظر آئیں۔ تاہم چوتھے اور پانچویں سیٹ میں سری لنکا نے شاندار کھیل کا مظاہرہ کرتے ہوئے زبردست کم بیک کیا اور نیپال کے خلاف کڑا مقابلہ کیا۔

میچ کا فیصلہ کن پانچواں سیٹ سری لنکا نے 10-15 کے اسکور سے اپنے نام کیا اور اس سنسنی خیز مقابلے میں کامیابی حاصل کی۔