سرحد پار تجارت کو ڈیجیٹلائزیشن کرنے کیلئے پہلی بار موبائل ایپ لانچ

فیڈرل بورڈ آف ریونیو (FBR) کے ماتحت ادارے پاکستان سنگل ونڈو (PSW) نے سرحد پار تجارتی عمل کو مزید شفاف، مؤثر اور ڈیجیٹل بنانے کے لیے اپنی پہلی رسمی موبائل ایپلیکیشن متعارف کرا دی ہے۔

پاکستان سنگل ونڈو کے حکام کے مطابق اس موبائل ایپ کے ذریعے درآمد کنندگان (Importers)، برآمد کنندگان (Exporters) اور کسٹم کلیئرنگ ایجنٹس اپنی تمام تر تجارتی سرگرمیوں کی مانیٹرنگ برائے راست اپنے سمارٹ فونز سے کر سکیں گے۔ ایپ میں درآمدی و برآمدی ڈیکلیئریشنز کی مانیٹرنگ، کسٹم کلیئرنس کی رئیل ٹائم (Real-time) اپڈیٹس اور ریگولیٹری کمپلائنس سے متعلق تمام ضروری معلومات اور سہولیات یکجا کی گئی ہیں۔

ایپ میں تاجروں کی سہولت کے لیے درج ذیل اہم فیچرز شامل کیے گئے ہیں جس میں مختلف محکموں کے سرٹیفکیٹس تک آن لائن رسائی۔ صوبائی سیس اور بینک گارنٹی ریلیز کی آن لائن درخواستیں۔ پیمنٹ سلپ آئی ڈی (PSID) اور جدید پیمنٹ مینجمنٹ سسٹم کی سہولت۔ تاجروں اور صارفین کی فوری رہنمائی کے لیے معاونتی نظام ہے

پی ایس ڈبلیو انتظامیہ کا کہنا ہے کہ اس جدید اقدام کا بنیادی مقصد ملک میں تجارت کے عمل کو تیز رفتار، آسان اور شفاف بنانا ہے تاکہ درآمد و برآمد سے وابستہ تمام کاروباری طبقے کو عالمی معیار کی ڈیجیٹل سہولیات فراہم کی جا سکیں۔