امریکی خاتون کیلسو دنیا کی سب سے پستہ قد فائر فائٹر بن گئیں، گنیز ورلڈ ریکارڈ قائم

امریکہ کی ایک پرعزم خاتون نے تمام تر جسمانی رکاوٹوں کو عبور کرتے ہوئے دنیا کی سب سے پستہ قد خاتون فائر فائٹر ہونے کا اعزاز گنیز ورلڈ ریکارڈز میں درج کروا لیا ہے۔ امریکی ریاست فلوریڈا سے تعلق رکھنے والی کیلسو (Kelso) کا قد محض 4 فٹ 5 انچ (تقریباً 134.6 سینٹی میٹر) ہے اور وہ گزشتہ پانچ سال سے فلوریڈا کے شہر سینٹ پیٹ بیچ کے مقامی فائر ڈیپارٹمنٹ میں طورِ فائر فائٹر اپنی خدمات سرانجام دے رہی ہیں۔ فائر سروس میں آنے سے قبل وہ کارپوریٹ سیکٹر میں ملازمت کر رہی تھیں۔

کیلسو کے مطابق فائر فائٹنگ کے پیشے سے منسلک ان کے دوستوں نے ان کی صلاحیتوں کو دیکھتے ہوئے انہیں فائر ڈیپارٹمنٹ میں شامل ہونے کا مشورہ اور ترغیب دی تھی۔ کیلسو کی یہ کامیابی دنیا بھر میں ان تمام افراد کے لیے ایک روشن مثال ہے جو جسمانی حدبندیوں کے باوجود مشکل اور خطرات سے بھرپور پیشوں میں نام کمانا چاہتے ہیں۔