عدلیہ کا نظام درہم برہم ہے,پاکستان کو آگے بڑھانے کے لیے رول آف لاء ناگزیر ہےشاہد خاقان عباسی

سابق وزیر اعظم شاہد خاقان عباسی نے قومی کانفرنس سے خطاب کرتے ہوئے کہا کہ ملک میں عدلیہ کا نظام درہم برہم ہے اور پاکستان کو آگے بڑھانے کے لیے رول آف لاء ناگزیر ہے۔ انہوں نے کہا کہ سیاست اور معیشت دونوں کا استحکام آئین کی بالادستی سے جڑا ہے، مگر بدقسمتی سے ملک میں آئین کے کسی ایک آرٹیکل پر بھی مکمل عملدرآمد نہیں ہو رہا۔
شاہد خاقان عباسی کا کہنا تھا کہ آئین کے دفاع کا ہر شخص نے حلف اٹھایا ہے، اس کے باوجود آئین پر عمل نہیں کیا جا رہا۔ انہوں نے معاشی استحکام کو ترقی کی شرط قرار دیتے ہوئے کہا کہ پاکستان میں صرف پاکستان کا ماڈل ہی کامیاب ہو سکتا ہے۔ ان کا مزید کہنا تھا کہ آج کی اپوزیشن کل کی حکومت ہوگی، اس لیے اب سنجیدگی سے مسائل کے حل پر سوچنے اور سمجھنے کا وقت آ گیا ہے۔