ایران سے حقائق پر بات کرنے کے بجائے اسے ٹرخایا گیا، دھمکیاں بھی دی گئیں: روس

روسی وزیر خارجہ سرگئی لاوروف نے ایران اور امریکہ کے درمیان جاری حالیہ سفارتی عمل پر اپنے گہرے تحفظات کا اظہار کرتے ہوئے کہا ہے کہ ایران کو ماضی میں بھی “جھوٹے وعدوں” اور دھمکیوں کے ذریعے ٹرخایا گیا ہے۔ روسی وزیر خارجہ کے مطابق، موجودہ مذاکراتی عمل میں بیانات اور دلاسے تو نظر آ رہے ہیں لیکن ٹھوس حقائق اور عملدرآمد کا فقدان ہے، جس کی وجہ سے ایران کا محتاط موقف بالکل درست ہے۔ انہوں نے خبردار کیا کہ صورتحال انتہائی غیر یقینی ہے اور پاکستان میں ہونے والی ان ممکنہ بات چیت کی پیشرفت 24 گھنٹوں کے اندر 10 بار بدل سکتی ہے۔

سرگئی لاوروف نے واضح کیا کہ اگر دونوں ممالک 2015 کے جوہری معاہدے (JCPOA) کی طرز پر کسی نئے اور ٹھوس معاہدے پر پہنچنے میں کامیاب ہو جاتے ہیں، تو یہ عالمی امن کے لیے ایک بہت بڑی کامیابی ہوگی۔ تاہم، انہوں نے موجودہ حالات میں امریکی وعدوں پر شکوک و شبہات کا اظہار کرتے ہوئے ایران کے تحفظات کی تائید کی ہے۔