LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ امریکا، روس اور چینی صدور کی حالیہ سمٹ کے زیادہ نتائج برآمد نہیں ہونگے: فابیو پنیٹا خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ انقلابی شاعر فیض احمد فیض کو دنیا سے رخصت ہوئے 42 برس بیت گئے میکرون نے یوکرین کی نیٹو میں شمولیت یورپی سلامتی کیلئے انتہائی اہم قرار دیدی نئے صوبوں کے قیام سے ملک کو کوئی نقصان نہیں ہوگا: شوکت یوسفزئی ابوظہبی کے 2 بڑے عجائب گھروں میں بچوں کیلئے مفت تعلیمی سرگرمیوں کا آغاز سلامتی کونسل کالعدم بی ایل اے اور مجید بریگیڈ پر پابندیاں لگائے: چین اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ

سینیٹ میں بلوچستان میں دہشت گردی پر بحث، سینیٹر کامران مرتضیٰ کے سنگین سوالات

Web Desk

2 February 2026

سینیٹ کے اجلاس میں بلوچستان میں جاری دہشت گردی کے واقعات پر بحث کے دوران سینیٹر کامران مرتضیٰ نے خطاب کرتے ہوئے کہا کہ ہم دہشت گردی کو مکمل طور پر مسترد کرتے ہیں، مگر سوال یہ ہے کہ اسے مسترد کرنے کے باوجود یہ واقعات کیوں ہو رہے ہیں۔

سینیٹر کامران مرتضیٰ کا کہنا تھا کہ حالات کو بہتر بنانے اور معاملہ ٹھنڈا کرنے کے لیے ضروری ہے کہ دہشت گردی کی اصل وجوہات تک پہنچا جائے۔ انہوں نے زور دیا کہ ہمیں بلوچ مائنڈ سیٹ کو بھی سنجیدگی سے سمجھنے کی ضرورت ہے، کیونکہ مسائل کو سمجھے بغیر ان کا حل ممکن نہیں۔

انہوں نے کہا کہ ماضی میں مین اسٹریم میڈیا کو بند کیا گیا، جس کے بعد سوشل میڈیا پر آدھی ادھوری اور گمراہ کن معلومات پھیلتی رہیں۔ ان کے مطابق دہشت گردی کے حالیہ واقعات کے دوران عوامی سطح پر مزاحمت کا نہ ہونا ایک انتہائی خوفناک پہلو ہے، کیونکہ پورے بلوچستان میں کہیں بھی عوامی ردعمل نظر نہیں آیا۔

سینیٹر کامران مرتضیٰ نے کہا کہ ریڈ زون میں وردی میں ملبوس افراد کے بھاگتے ہوئے مناظر کی فوٹیج کا سامنے آنا تشویشناک ہے۔ انہوں نے سوال اٹھایا کہ اب تک ڈپٹی کمشنر نوشکی اور اسسٹنٹ کمشنر نوشکی کے حوالے سے کوئی واضح وضاحت کیوں سامنے نہیں آئی۔

انہوں نے مزید کہا کہ جو دہشت گرد مارے گئے یا زخمی ہوئے، ان کے علاوہ باقی لوگ کہاں گئے؟ یہ ایک بڑا سوال ہے کہ وہ گرفتار کیوں نہیں ہو سکے۔ ساتھ ہی انہوں نے یہ بھی پوچھا کہ دہشت گردوں کے شہروں میں داخل ہونے کے کتنے گھنٹوں بعد سیکیورٹی فورسز نے کارروائی کی۔

سینیٹر کامران مرتضیٰ کا کہنا تھا کہ اس دہشت گردی میں بھارت کے علاوہ دیگر ممالک کے ملوث ہونے کا بھی امکان ہے، اور اگر ایسا ہے تو ان کے خلاف شواہد عالمی فورمز پر پیش کیے جانے چاہئیں۔

انہوں نے کہا کہ روزانہ سڑکیں بند ہو رہی ہیں، ٹرینیں رک رہی ہیں، اب خودکش دھماکوں کا آغاز ہو چکا ہے اور معاملہ خواتین تک پہنچ گیا ہے، جو نہایت تشویشناک صورتحال ہے۔
آخر میں انہوں نے کہا کہ آج بھی تمام سیاسی قوتوں کو اکٹھے بیٹھنے کی ضرورت ہے، کیونکہ یہ واقعہ سنگینی کے اعتبار سے اے پی ایس جیسے سانحات سے کم نہیں