LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ترک کمانڈر کی ایئر ہیڈ کوارٹرز آمد، پاک فضائیہ کی پیشہ ورانہ صلاحیتوں کی تعریف پٹرول مزید 3 روپے فی لٹر سستا، ڈیزل کی قیمت برقرار امریکا کی ایک بار پھر ایران کے جزیرے قشم پر بمباری، فضائی دفاعی نظام نشانے پر پشاور ہائیکورٹ کے گیٹ سے پی ٹی آئی کے 3 سابق صوبائی وزرا گرفتار اسحاق ڈار سے صدر عالمی ریسکیو کمیٹی کی ملاقات، انسانی ہمدردی کے امور پر تبادلہ خیال بلائنڈ کرکٹ ایشیا کپ: پاکستان نے بھارت کو ہرا کر فائنل میں جگہ بنالی بلاول بھٹو کی آج پریس کانفرنس میں تضاد اور دہرا معیار نظر آیا: عطا تارڑ ملک کا نظام تباہ ہو چکا، بلاول نے درست نشاندہی کی: سلمان اکرم راجہ بلاول بھٹو زرداری کا بیان حقیقت پسندانہ ہے، ریفرنڈم کا تجربہ ہمیشہ داغدار رہا ہے :ترجمان جے یو آئی ا ٹرمپ کا تھائی لینڈ سے بڑا تجارتی معاہدہ، امریکی برآمدات پر تمام ٹیرف ختم کرنے کا اعلان کمانڈر ترک فضائیہ کی فیلڈ مارشل سے ملاقات، علاقائی امن کیلئے پاکستان کی خدمات کا اعتراف چار ماہ خسارے کے بعد ملکی کرنٹ اکاؤنٹ سرپلس، 4 کروڑ ڈالر کا اضافہ عراقچی کی عمانی ہم منصب سے ملاقات، آبنائے ہرمز کی ناکہ بندی کے خاتمے پر غور ٹرمپ اہم دورہ چین سے قبل منیلا پہنچ گئے، فلپائن میں مسلسل پانچویں روز بھی احتجاج طبیعت میں بہتری آنے پر شاہ محمود قریشی پی آئی سی سے ڈسچارج، سخت سیکیورٹی میں واپس کوٹ لکھپت جیل منتقل

سینیٹ کمیٹی نے نیپرا سے تمام آئی پی پیز کی تفصیلات طلب کرلیں

Web Desk

28 July 2026

سینیٹ کی قائمہ کمیٹی برائے کابینہ سیکرٹریٹ نے ملک میں بجلی کی پیداوار اور قیمتوں پر اثر انداز ہونے والے آزاد پاور پروڈیوسرز (آئی پی پیز) کے خلاف بڑا قدم اٹھاتے ہوئے نیشنل الیکٹرک پاور ریگولیٹری اتھارٹی (نیپرا) سے تمام آئی پی پیز کی مکمل تفصیلات طلب کر لی ہیں۔ کمیٹی نے نیپرا سے ہدایت کی ہے کہ آئی پی پیز کے مالکان کے نام، ان کے پاور پلانٹس کی پیداواری صلاحیت (استعداد کار) اور بجلی کی واقعی پیداوار کے تمام اعداد و شمار جلد از جلد پیش کیے جائیں۔

کمیٹی کے اجلاس کے دوران نیپرا حکام نے آئی پی پیز کو کی جانے والی اربوں روپے کی ادائیگیاں کی تفصیلات بتاتے ہوئے بریفنگ دی کہ گزشتہ سال آئی پی پیز کو 1,149 ارب روپے انرجی چارجز کی مد میں جبکہ 1,800 ارب روپے کیپیسٹی چارجز (پلانٹ کی بجلی بنائے بغیر ادا کی جانے والی رقم) کی مد میں ادا کیے گئے۔ حکام کے مطابق رواں سال اپریل تک آئی پی پیز کو مزید 1,023 ارب روپے انرجی چارجز اور 1,430 ارب روپے کے کیپیسٹی چارجز ادا کیے جا چکے ہیں۔

نیپرا حکام نے اجلاس کو مزید بتایا کہ گزشتہ ساڑھے پانچ سال کے دوران قومی خزانے سے آئی پی پیز کو کیپیسٹی چارجز کی مد میں مجموعی طور پر 7,275 ارب روپے سے زائد کی رقم ادا کی جا چکی ہے۔ اتنی خطیر رقم کی ادائیگیاں سامنے آنے پر سینیٹ قائمہ کمیٹی نے شدید تشویش کا اظہار کیا اور پاور سیکٹر میں شفافیت لانے کے لیے آئی پی پیز کے تمام معاہدوں اور ان کے مالکان سے متعلق مزید چھان بین کا فیصلہ کیا ہے۔