نیویارک سٹی ہال کے اندر تاریخ میں پہلی بار پاکستان کا یومِ آزادی، پاکستان قنسلیٹ کا خراجِ تحسین

امریکہ کے شہر نیویارک کے تاریخی سٹی ہال کے اندر پہلی بار پاکستان کے یومِ آزادی کی شاندار اور تاریخی تقریب کا انعقاد کیا گیا۔ یہ باوقار پروگرام نیویارک سٹی کونسل کی اسپیکر جولی مینن اور کونسل ممبر لنڈا لی کی جانب سے امریکن پاکستانی ایڈووکیسی گروپ (APAG) کے تعاون سے منعقد کیا گیا۔ تقریب میں نیویارک میں پاکستان کے قونسل جنرل عامر احمد اتوزئی نے خصوصی شرکت کی اور خطاب کرتے ہوئے اس اقدام کو پاک امریکہ برادری کی تاریخ میں ایک اہم میل پتھر اور باعثِ فخر لمحات قرار دیا۔ کونسل اسپیکر جولی مینن اور دیگر امریکی قانون سازوں نے نیویارک کی معاشی و سماجی ترقی میں پاکستانی نژاد امریکیوں کی گراں قدر خدمات کو سراہا اور کمیونٹی کو دونوں ممالک کے مابین ایک مضبوط پل قرار دیا۔ تقریب میں پاکستانی تارکینِ وطن، منتخب نمائندوں اور میڈیا کی بڑی تعداد نے شرکت کی۔