ایران کیساتھ جنگ: امریکی صدر کی مقبولیت کم ترین سطح پر پہنچ گئی

رائٹرز اور اپسوس (Reuters/Ipsos) کے تازہ ترین سروے کے مطابق ایران کے ساتھ جاری جنگ اور پٹرول کی بڑھتی ہوئی قیمتوں کے باعث امریکی صدر ڈونلڈ ٹرمپ کی مقبولیت ان کی موجودہ صدارت کی کم ترین سطح 33 فیصد پر آ گئی ہے، جبکہ 64 فیصد امریکیوں نے ان کی کارکردگی کو مسترد کر دیا ہے۔ سروے کے مطابق 80 فیصد امریکیوں کو خدشہ ہے کہ یہ جنگ طویل عرصے تک چلے گی اور صرف 20 فیصد امریکی اسے قابلِ جواز مانتے ہیں۔ جنگ اور مہنگائی کے باعث نومبر میں ہونے والے مڈ ٹرم (وسط مدتی) انتخابات سے قبل ریپبلکنز کے لیے مشکلات بڑھ گئی ہیں اور معیشت کے شعبے میں بھی ڈیموکریٹس نے 38 فیصد کے ساتھ ریپبلکنز (35 فیصد) پر برتری حاصل کر لی ہے۔ یہاں تک کہ امیگریشن کے روایتی مضبوط شعبے میں بھی ریپبلکنز کی برتری انتہائی گھٹ کر صرف 2 پوائنٹس رہ گئی ہے۔