ایس ای سی پی کا ایک ماہ میں سب سے زیادہ کمپنی رجسٹریشن کا ریکارڈ قائم

ایس ای سی پی کے مطابق اپریل 2026 میں ریکارڈ 4,082 نئی کمپنیاں رجسٹر کی گئیں، جس کے بعد ملک میں رجسٹرڈ کمپنیوں کی مجموعی تعداد 2 لاکھ 94 ہزار 101 تک پہنچ گئی ہے۔ ادارے نے 30 اپریل کو ایک ہی دن میں 340 نئی کمپنیاں رجسٹر کر کے یومیہ رجسٹریشن کا بھی نیا ریکارڈ قائم کیا ہے۔ چیئرمین ایس ای سی پی ڈاکٹر کبیر سدھو نے اس اضافے کو دستاویزی معیشت کی جانب ایک مثبت پیش رفت قرار دیا ہے۔ عالمی سطح پر 22 ممالک کے سرمایہ کاروں نے پاکستان کا رخ کیا، جن میں چین 95 شیئر ہولڈرز اور 193 ملین روپے کے سرمائے کے ساتھ سرفہرست رہا۔