سعودی عرب کا غیرملکیوں کیلئے ویزا میعاد میں توسیع کا اعلان

ریاض: سعودی عرب نے موجودہ صورتحال کے پیش نظر غیرملکیوں کے ویزوں کی میعاد میں توسیع کر دی ہے۔

سعودی وزارت داخلہ کے مطابق وہ افراد جن کے ویزوں کی میعاد 25 فروری تک تھی، وہ مقررہ فیس کی ادائیگی کے بعد 18 اپریل تک مملکت میں قیام کر سکتے ہیں۔

حکام کا کہنا ہے کہ جن غیرملکیوں کے ویزوں کی میعاد 25 فروری کو ختم ہو چکی ہے، وہ بغیر کسی فیس کے مملکت کے بین الاقوامی گزرگاہوں کے ذریعے روانہ ہو سکتے ہیں۔

مزید بتایا گیا ہے کہ عمرہ، ٹرانزٹ اور وزٹ ویزوں کے حامل افراد بھی 18 اپریل تک اس سہولت سے فائدہ اٹھا سکتے ہیں۔