چین کی بڑی شپنگ کمپنی نے خلیجی ممالک کیلئے بکنگ دوبارہ بحال کردی

چین کی ایک بڑی شپنگ کمپنی نے تین ہفتوں کی بندش کے بعد بعض خلیجی ممالک کے لیے شپمنٹس کی نئی بکنگ دوبارہ شروع کر دی ہے۔

کمپنی کے اعلامیے کے مطابق سعودی عرب، متحدہ عرب امارات، بحرین، قطر، کویت اور عراق کے لیے جنرل کارگو کنٹینرز کی بکنگ فوری طور پر بحال کر دی گئی ہے۔

شپنگ کمپنی کا کہنا ہے کہ مشرق وسطیٰ میں جاری کشیدہ صورتحال کے پیش نظر بکنگ کے نظام اور سامان کی ترسیل میں ضرورت پڑنے پر تبدیلی کی جاسکتی ہے۔

یاد رہے کہ خطے میں جنگی خدشات کے باعث کمپنی نے خلیجی ممالک کے لیے شپمنٹس کی بکنگ عارضی طور پر معطل کر دی تھی۔

ماہرین کے مطابق اس پیش رفت کو مشرق وسطیٰ میں حالات میں بہتری کا اشارہ سمجھا جا رہا ہے، جس سے تجارتی سرگرمیوں میں استحکام آنے کی توقع ہے۔