ایران کے آپریشن وعدہ صادق 4کی 81ویں لہر، 70سےزائد اسرائیلی اہداف پرحملے

ایران نے آپریشن وعدہ صادق 4 کی 81ویں لہر کا آغازکرتے ہوئے 70سے زائد اسرائیلی اہداف پر میزائل داغے ہیں۔ایرانی پاسداران انقلاب کے بیان کے مطابق اسرائیلی شہروں  حیفا، دیمونا اور تل ابیب سمیت شمالی اور جنوبی اسرائیلی علاقوں کونشانہ بنایاگیا۔

پاسداران انقلاب کے مطابق اسرائیل پر حملوں کی نئی لہر میں عماد، قیام اور خرم شہر 4 سمیت دیگر میزائل استعمال کیے گئے۔ادھرایرانی بحریہ نےامریکی ائیرکرافٹ کیرئیر ابراہم لنکن کو میزائلوں سے نشانہ بنانے کا دعویٰ کیاہے۔

ایرانی میڈیا کے مطابق اس کارروائی کی منظوری ایرانی نیوی کے کمانڈر رئیر ایڈمرل شہرام ایرانی نے دی۔ایرانی میڈیا کا دعویٰ ہے کہ ایرانی میزائل حملوں کی وجہ سےامریکی بحری یونٹ کو اپنی پوزیشن تبدیل کرنا پڑی۔