LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن

وزارت خارجہ کی مشرق وسطیٰ کے تنازعات پر قیاس آرائی سے گریز کی ہدایت

Web Desk

25 March 2026

اسلام آباد: وزارتِ خارجہ کے ترجمان طاہر اندرابی نے میڈیا نمائندگان اور شہری حلقوں کو ہدایت کی ہے کہ وہ مشرقِ وسطیٰ اور خلیج فارس میں جاری حالیہ تنازعات کے حوالے سے پاکستان کے کردار کے بارے میں پھیلائی جانے والی قیاس آرائیوں سے مکمل پرہیز کریں۔ ترجمان نے واضح کیا ہے کہ انہیں مختلف ذرائع سے ایسی معلومات کی تصدیق کے لیے درخواستیں موصول ہو رہی ہیں جو حقیقت پر مبنی نہیں ہیں۔

طاہر اندرابی نے زور دے کر کہا کہ حساس سفارتی معاملات اور جاری مذاکراتی عمل میں رازداری اور احتیاط بنیادی اہمیت رکھتی ہے۔ انہوں نے میڈیا ہاؤسز کو مشورہ دیا کہ وہ کسی بھی غیر تصدیق شدہ اطلاع کو خبر کے طور پر چلانے کے بجائے صرف سرکاری اعلامیے اور مستند معلومات کا انتظار کریں۔ ترجمان کے مطابق، خفیہ معلومات کا قبل از وقت منظرِ عام پر آنا سفارتی کوششوں اور پاکستان کے تزویراتی مفادات کو نقصان پہنچا سکتا ہے۔

ترجمان دفترِ خارجہ نے مزید کہا کہ پاکستان خطے میں امن و استحکام کے لیے کوشاں ہے، تاہم کسی بھی حتمی فیصلے یا مذاکراتی نتیجے کے حوالے سے صرف سرکاری چینلز کے ذریعے ہی آگاہ کیا جائے گا۔ انہوں نے میڈیا سے درخواست کی کہ وہ ذمہ دارانہ صحافت کا مظاہرہ کرتے ہوئے خطے کی پیچیدہ صورتحال میں غیر ضروری ہیجان پیدا کرنے سے گریز کریں۔