مومنہ اقبال کو دھمکیاں دینے کا کیس: ثاقب چدھڑ اور اہلیہ کی عبوری ضمانت میں توسیع

لاہور: سیشن کورٹ نے نامور پاکستانی اداکارہ مومنہ اقبال کو ہراساں کرنے اور جان سے مارنے کی دھمکیاں دینے کے مقدمے میں مسلم لیگ (ن) کے صوبائی اسمبلی کے رکن (ایم پی اے) ثاقب چدھڑ اور ان کی اہلیہ سمیرا کی عبوری ضمانت میں 2 جولائی تک توسیع کر دی ہے۔

ملزمان کی عبوری ضمانت پر اہم سماعت ایڈیشنل سیشن جج نے کی، جس کے دوران لیگی رہنما ثاقب چدھڑ اپنی اہلیہ سمیرا کے ہمراہ عدالت میں حاضری کے لیے پیش ہوئے۔ سماعت کے دوران کیس کے تفتیشی افسر نے عدالت کو اہم پیشرفت سے آگاہ کرتے ہوئے بتایا کہ معاملے کی گہرائی تک پہنچنے کے لیے ملزمان کے موبائل فونز فرانزک لیبارٹری بھجوا دیے گئے ہیں اور مقدمے کی تفتیش کو مکمل کرنے کے لیے پولیس کو مزید وقت درکار ہے۔

عدالت نے تفتیشی افسر کے بیان کے بعد این سی سی آئی اے (NCCIA) سے آئندہ سماعت پر تفصیلی تفتیشی رپورٹ طلب کر لی۔

معروف اداکارہ مومنہ اقبال ن لیگ کے ایم پی اے ثاقب چدھڑ اور ان کی اہلیہ سمیرا ہراساں کرنا اور جان سے مارنے کی دھمکیاں دینا اگلی سماعت  2 جولائی کو ہو گی

واضح رہے کہ یہ ہائی پروفائل مقدمہ این سی سی آئی اے نے اداکارہ مومنہ اقبال کی مدعیت میں درج کر رکھا ہے، جس کی تفتیش تہمینہ اور فرانزک شواہد کی بنیاد پر آگے بڑھائی جا رہی ہے۔