ورلڈکپ میں اچھا چانس ہے، بھارت کے خلاف نہ کھیلنے کافیصلہ حکومت ہے، سلمان علی آغا

پاکستان ٹی ٹوئنٹی کرکٹ ٹیم کےکپتان سلمان علی آغا کا کہنا ہےکہ کہ  ورلڈکپ میں ہمارے لیے اچھا چانس ہے، ٹیم نے تینوں شعبوں میں اچھا پرفارم کیا ہے۔.

آسٹریلیا کے خلاف تین میچوں کی ٹی ٹوئنٹی سیریز میں کامیابی کے بعد قذاقی اسٹیڈیم لاہور میں پریس کانفرنس کرتے ہوئے سلمان علی آغا کا کہنا تھا کہ  بھارت کےخلاف نہ کھیلنےکا فیصلہ حکومت کا ہے۔ ہم  ورلڈکپ کے لیے جا رہے ہیں،  جو بورڈکہےگا ہمیں وہی کرنا ہے۔

انہوں نے مزیدکہا کہ بابر اعظم  پر سوشل میڈیا پر دباؤ نہیں ڈالنا چاہیے، بابراعظم کو  ریلیکس ہوکرکھیلنے دیں تاکہ  وہ اسی طرح رنزکرتے رہیں، فخر زمان 10سال سے پاکستان  سےکھیل رہے ہیں، انہیں ہم بیک کریں گے۔