پاکستان اسٹاک ایکسچینج میں مندی کا راج؛ ایک ہفتے میں سرمایہ کاروں کے 854 ارب روپے سے زائد ڈوب گئے

کراچی اسٹاک مارکیٹ میں گزشتہ کاروباری ہفتہ شدید مندی کی زد میں رہا، جہاں ایران اور امریکا کے درمیان مذاکرات میں جمود اور مانیٹری پالیسی میں شرحِ سود میں اضافے کے باعث سرمایہ کاروں کا اعتماد متزلزل نظر آیا۔ چار روزہ کاروباری ہفتے کے تمام دن 100 انڈیکس ریڈ زون میں رہا، جس کے نتیجے میں انڈیکس 4.5 فیصد تنزلی کے بعد 162,994 پوائنٹس پر بند ہوا۔ اس مندی کے باعث مارکیٹ کیپیٹلائزیشن میں 855 ارب روپے کی بڑی کمی ریکارڈ کی گئی۔