پاکستان سٹاک ایکسچینج میں ٹریڈنگ کا منفی زون میں آغاز

کاروباری ہفتے کے پہلے روز پاکستان اسٹاک ایکسچینج (PSX) میں ٹریڈنگ کا آغاز منفی زون میں ہوا ہے، جہاں سرمایہ کاروں کی جانب سے فروخت کے دباؤ کے باعث مارکیٹ میں نمایاں مندی دیکھی جا رہی ہے۔آج کاروبار کے آغاز پر ہنڈرڈ انڈیکس میں 1,300 سے زائد پوائنٹس کی کمی ریکارڈ کی گئی، جس کے بعد انڈیکس 1 لاکھ 69 ہزار 268 کی سطح پر آ گیا۔ واضح رہے کہ گزشتہ کاروباری ہفتے کے اختتام پر مارکیٹ 1 لاکھ 70 ہزار 672 پوائنٹس پر بند ہوئی تھی۔ معاشی ماہرین کا ماننا ہے کہ آج ہونے والے اسٹیٹ بینک کے مانیٹری پالیسی اجلاس اور شرحِ سود سے متعلق غیر یقینی صورتحال نے سرمایہ کاروں کو محتاط کر دیا ہے۔پاکستان کے برعکس، ایشیائی اسٹاک مارکیٹس میں آج تیزی کا رجحان دیکھا جا رہا ہے

جاپان: نکی انڈیکس میں 1.89 فیصد کا نمایاں اضافہ ہوا۔

تھائی لینڈ: سیٹ انڈیکس 1.71 فیصد بڑھ گیا۔

چین: شنگھائی کمپوزٹ انڈیکس میں 0.15 فیصد کی بہتری آئی۔ہانگ کانگ: ہینگ سینگ انڈیکس میں 0.13 فیصد کی معمولی تیزی ریکارڈ کی گئی۔

مقامی مارکیٹ کے تجزیہ کاروں کے مطابق، اسٹیٹ بینک کی جانب سے شرحِ سود کے فیصلے کے بعد اسٹاک مارکیٹ میں دوبارہ استحکام آنے کی توقع ہے۔