پاکستان سٹاک مارکیٹ میں کاروبار کا منفی زون میں آغاز

پاکستان اسٹاک مارکیٹ میں آج کاروبار کا آغاز منفی زون میں ہوا، جہاں ہنڈرڈ انڈیکس 1000 سے زائد پوائنٹس کی نمایاں کمی کے ساتھ 1 لاکھ 62 ہزار 532 پوائنٹس کی سطح پر آ گیا۔ یاد رہے کہ گزشتہ کاروباری روز مارکیٹ 1 لاکھ 63 ہزار 948 پوائنٹس پر بند ہوئی تھی۔ عالمی سطح پر دیکھا جائے تو ایشیائی اسٹاک مارکیٹس میں ملا جلا رجحان برقرار ہے۔ جہاں جنوبی کوریا، جاپان اور چین کی مارکیٹوں میں تیزی ریکارڈ کی گئی، وہی ہانگ کانگ اور تھائی لینڈ کے انڈیکس گراوٹ کا شکار رہے۔