پاکستان اسٹاک ایکسچینج میں منفی اختتام، کے ایس ای 100 انڈیکس 318 پوائنٹس کم

کراچی میں پاکستان اسٹاک ایکسچینج میں کاروبار کا اختتام منفی رجحان کے ساتھ ہوا۔

کاروباری دن کے اختتام پر کے ایس ای 100 انڈیکس 318 پوائنٹس کی کمی کے بعد 155,858 پوائنٹس کی سطح پر بند ہوا۔ گزشتہ روز انڈیکس 156,177 پوائنٹس پر بند ہوا تھا۔دن کے دوران انڈیکس کی بلند ترین سطح 158,624 پوائنٹس جبکہ کم ترین سطح 155,652 پوائنٹس ریکارڈ کی گئی۔کاروباری سرگرمی کے دوران 24 ارب 98 کروڑ روپے مالیت کے 44 کروڑ 19 لاکھ شیئرز کے سودے ہوئے۔ مجموعی طور پر 567 کمپنیوں کے شیئرز میں لین دین ہوا جن میں سے 216 کمپنیوں کے حصص کی قیمتوں میں اضافہ جبکہ 201 کمپنیوں کے حصص میں کمی ریکارڈ کی گئی۔مارکیٹ میں مندی کے باعث سرمایہ کاروں کو تقریباً 45 ارب روپے کا یومیہ خسارہ ہوا، جس کے بعد مارکیٹ کیپیٹلائزیشن 17 ہزار 535 ارب روپے رہ گئی۔