سٹاک مارکیٹ میں شدید مندی، انڈیکس ایک لاکھ 70 ہزار پوائنٹس کی حد کھو بیٹھا

پاکستان سٹاک ایکسچینج میں کاروباری ہفتے کا آغاز مایوس کن رہا، جہاں شدید مندی کے باعث سرمایہ کاروں کے اربوں روپے ڈوب گئے اور انڈیکس ایک لاکھ 70 ہزار کی نفسیاتی حد سے نیچے گر گیا۔کاروبار کے آغاز پر ہی مارکیٹ دباؤ کا شکار رہی اور ایک وقت میں انڈیکس میں 1300 پوائنٹس سے زائد کی گراوٹ دیکھی گئی۔ ٹریڈنگ کے اختتام پر کے ایس ای (KSE-100) انڈیکس 1174 پوائنٹس کی کمی کے ساتھ 1 لاکھ 69 ہزار 497 کی سطح پر بند ہوا۔گزشتہ کاروباری ہفتے کے آخری روز مارکیٹ 1 لاکھ 70 ہزار 672 پوائنٹس پر بند ہوئی تھی۔