پاکستان سٹاک مارکیٹ میں آج کاروبار کا ملا جلا رجحان رہا

پاکستان اسٹاک مارکیٹ میں ہفتے کے پہلے روز شدید اتار چڑھاؤ کے بعد ۱۰۰ انڈیکس مثبت زون میں بند ہونے میں کامیاب رہا۔ کاروباری دن کے آغاز پر شدید مندی دیکھی گئی اور اسٹاک ایکسچینج کا ۱۰۰ انڈیکس 2000 سے زائد پوائنٹس کی بڑی کمی کے ساتھ 173,636 پوائنٹس کی زیریں سطح پر آ گیا تھا۔ تاہم، بعد میں مارکیٹ نے زبردست ریکوری کی اور دن کے اختتام پر انڈیکس 124 پوائنٹس کے معمولی اضافے کے ساتھ 175,927 کی سطح پر بند ہوا۔ واضح رہے کہ گزشتہ کاروباری ہفتے کے آخری روز ہنڈرڈ انڈیکس 175,802 پوائنٹس پر بند ہوا تھا۔