پاکستان سٹاک مارکیٹ میں مندی، کاروبار کا منفی رجحان رہا

پاکستان اسٹاک ایکسچینج (PSX) میں کاروباری ہفتے کے چوتھے روز منفی رجحان غالب رہا، جہاں کاروبار کے آغاز پر ہی ہنڈرڈ انڈیکس میں 900 سے زائد پوائنٹس کی شدید مندی ریکارڈ کی گئی اور انڈیکس 175,110 پوائنٹس کی سطح پر آ گیا۔ دن بھر ٹریڈنگ کے دوران مارکیٹ میں مندی کا دباؤ برقرار رہا، تاہم کاروباری روز کے اختتام پر 100 انڈیکس 495 پوائنٹس کی کمی کے ساتھ 175,547 پوائنٹس کی سطح پر بند ہوا۔ واضح رہے کہ گزشتہ کاروباری دن بھی اسٹاک مارکیٹ میں شدید مندی دیکھی گئی تھی جہاں انڈیکس 1,580 پوائنٹس کی نمایاں کمی کے بعد 176,042 کی سطح پر بند ہوا تھا۔