پاکستان اسٹاک ایکسچینج میں زبردست بحالی، 100 انڈیکس 1,61,210 پوائنٹس پر بند

کراچی: پاکستان اسٹاک ایکسچینج میں کاروبار آج زبردست بحالی کے ساتھ اختتام پذیر ہوا، جہاں 100 انڈیکس میں 5,433 پوائنٹس کا اضافہ ہوا اور یہ 161,210 پوائنٹس کی سطح پر بند ہوا۔

انڈیکس نے دن کے دوران 1,56,250 سے 1,61,476 پوائنٹس کے درمیان اتار چڑھاؤ دیکھا، اور یوں ایک دن میں چھ نفسیاتی سطحیں عبور کی گئیں۔

دن بھر اسٹاک مارکیٹ میں مجموعی طور پر 35 ارب 18 کروڑ روپے مالیت کے 72 کروڑ 39 لاکھ شیئرز کے سودے ہوئے۔

کل 567 کمپنیوں میں سے 350 کمپنیوں کی قیمتوں میں اضافہ جبکہ 78 کمپنیوں کی قیمتیں کم ہوئیں، جس سے سرمایہ کاروں کے اعتماد میں اضافہ دیکھنے کو ملا۔