اسٹاک مارکیٹ میں مندی کا راج: 100 انڈیکس 830 پوائنٹس گر گیا، سرمایہ کاروں کے اربوں روپے ڈوب گئے

پاکستان اسٹاک ایکسچینج میں آج کاروباری دن کا اختتام منفی رجحان کے ساتھ ہوا، جہاں 100 انڈیکس 830 پوائنٹس کی کمی کے بعد 168,062 کی سطح پر بند ہوا۔ آج کے دن مارکیٹ میں شدید اتار چڑھاؤ (Volatility) دیکھا گیا اور انڈیکس 3 ہزار 568 پوائنٹس کے وسیع بینڈ میں ٹریڈ ہوا۔ اگرچہ انڈیکس نے 169,380 کی بلند ترین سطح کو چھوا، تاہم فروخت کے دباؤ کے باعث یہ 165,812 کی کم ترین سطح تک بھی گرا۔ دن بھر 25 ارب روپے سے زائد مالیت کے حصص کا کاروبار ہوا، تاہم مجموعی طور پر مارکیٹ مندی کی لپیٹ میں رہی۔