سٹاک ایکسچینج میں تیزی، 100 انڈیکس 1 لاکھ 72 ہزار 200 پوائنٹس پر بند

پاکستان اسٹاک ایکسچینج (PSX) میں زبردست تیزی کی لہر برقرار ہے، جہاں کے ایس ای 100 انڈیکس مزید 830 پوائنٹس کے نمایاں اضافے کے ساتھ 1 لاکھ 72 ہزار 200 پوائنٹس کی اہم نفسیاتی حد پر بند ہوا۔ کاروباری سیشن کے دوران مارکیٹ میں زبردست خریداری کا رجحان دیکھا گیا، جس سے سرمایہ کاروں کے اعتماد میں مزید اضافہ ہوا ہے۔

سیشن کے دوران انڈیکس کی یومیہ بلند ترین سطح 1 لاکھ 72 ہزار 762 پوائنٹس رہی، جبکہ کاروبار کی کم ترین سطح 1 لاکھ 71 ہزار 843 پوائنٹس ریکارڈ کی گئی۔ مارکیٹ میں مجموعی طور پر 571 کمپنیوں کے شیئرز میں لین دین ہوا، جن میں سے 262 کمپنیوں کے شیئرز کی قیمتوں میں اضافہ جبکہ 196 کمپنیوں کے شیئرز میں کمی دیکھنے میں آئی۔ کراچی اسٹاک ایکسچینج میں دن بھر میں مجموعی طور پر 26 ارب روپے مالیت کے 77 کروڑ شیئرز کا کاروبار ہوا، جو مارکیٹ میں زبردست تجارتی سرگرمی کو ظاہر کرتا ہے۔