ایچ آئی وی کی روک تھام کیلئے ڈی پورٹ مسافروں کی ایئر پورٹ پر سکریننگ کی تجویز

وزیراعظم کی جانب سے ایچ آئی وی کیسز کی روک تھام کے لیے قائم ٹاسک فورس نے بیرون ملک سے ڈی پورٹ ہونے والے مسافروں کی ایئرپورٹ پر سکریننگ کی تجویز دے دی ہے۔ وزیر مملکت برائے صحت ڈاکٹر مختار بھرتھ کی زیر صدارت منعقدہ اجلاس میں آلودہ سرنجوں کے دوبارہ استعمال کی تحقیقات اور ایچ آئی وی ڈیٹا کی نگرانی کے لیے نیشنل انسٹی ٹیوٹ آف ہیلتھ (NIH) کے تحت ریئل ٹائم ڈیش بورڈ فعال کرنے پر اتفاق کیا گیا۔ اجلاس میں ملک بھر میں غیر محفوظ طبی طریقوں کے تدارک کے لیے ‘نیشنل پبلک ہیلتھ لا’ کی تیاری کی تجویز بھی دی گئی تاکہ وبائی امراض کے پھیلاؤ کو قانونی طور پر روکا جا سکے۔ اس اعلیٰ سطح کے مشاورتی عمل میں سابق ماہرین صحت اور صوبائی حکام نے بھی شرکت کی، جہاں ڈیٹا کوآرڈینیشن اور احتیاطی تدابیر کے نظام کو مزید مؤثر بنانے پر زور دیا گیا۔