وزیراعظم کا قطری امیرسے ٹیلی فونک رابطہ، جنگ رکوانے کے لیے سفارتی کوششوں پر گفتگو

وزیرِاعظم شہبازشریف اور قطر کے امیر شیخ تمیم بن حمدالثانی کے درمیان فون پر رابطہ ہوا جس کے دوران مشرقِ وسطیٰ میں جنگ رکوانے کےلیےسفارتی کوششوں پر گفتگو کی گئی۔

وزیراعظم شہبازشریف نے قطری امیرپاکستان کی سفارتی رسائی اور امن کی کوششوں سے آگاہ کیا ہے۔وزیرِ اعظم کے دفتر سے جاری بیان میں کہا گیا ہے کہ وزیرِ اعظم شہبازشریف نے قطری امیر کو بتایا کہ پاکستان نے تمام فریقوں سے کشیدگی کم کرنے اور بات چیت و سفارتکاری کے ذریعے تنازعات طےکرنے پر زور دیا ہے۔‘

بیان میں یہ بھی کہا گیا ہے کہ پاکستان قطر اور دیگر خلیجی ممالک کے خلاف حملوں کی مذمت کرتا ہے اور قیمتی جانوں کے ضیاع پر دکھ کا اظہار کیا ہے۔