ملک میں پیٹرول کے صرف 10 سے 14 روز کے ذخائر موجود ہیں،عبدالسمیع خان

چیئرمین پیٹرولیم ڈیلرز عبد سمع خان نے پریس کانفرنس میں کہا کہ ملک میں پیٹرول کی طلب میں اچانک اضافہ ہوگیا ہے جس کے باعث مختلف پیٹرول پمپس پر قلت دیکھی جا رہی ہے۔

عبدالسمیع خان نے حکومت کو تجویز دی کہ پیٹرولیم لیوی اور ٹیکسز ختم کیے جائیں اور پیٹرول کی قیمت میں مزید اضافہ نہ کیا جائے، کیونکہ اس سے خاص طور پر موٹر سائیکل سوار طبقہ شدید متاثر ہوگا۔انہوں نے الزام عائد کیا کہ حکومت پیٹرولیم ذخائر کی وافر موجودگی پر جھوٹ بول رہی ہے اور ڈیلرز کو ایوریج سیل سے 50 فیصد کم پیٹرول فراہم کیا جا رہا ہے۔اس موقع پر آئی جی سندھ کو ہدایت دی گئی کہ وہ پیٹرول پمپس کی سیکیورٹی یقینی بنائیں کیونکہ لوگ بڑی مقدار میں پیٹرول خرید رہے ہیں، جس سے مارکیٹ میں عدم توازن پیدا ہو رہا ہے۔