قومی ٹیم ٹی ٹوئنٹی ورلڈکپ میں شرکت کےلیے کولمبوپہنچ گئی

قومی کرکٹ ٹیم ٹی ٹوئنٹی ورلڈکپ میں شرکت کے لیے سری لنکا کے دارالحکومت کولمبو  پہنچ گئی۔پاکستان ٹیم کل آرام کرے گی جبکہ  4 فروری کو پاکستان اور آئر لینڈ کے مابین  وارم اپ میچ کھیلا جائےگا۔ آئی سی سی ٹی ٹوئنٹی ورلڈکپ 7 فروری سے 8 مارچ تک بھارت اور سری لنکا میں کھیلا جائےگا۔

پاکستان گروپ اے میں شامل ہیں جس میں بھارت کے علاوہ نمیبیا، نیدرلینڈزاور امریکابھی  ہیں۔پاکستان  ورلڈکپ میں اپنے سفرکا آغاز 7 فروری سے نیدرلینڈز کے خلاف میچ سے کرےگی جب کہ اس کا دوسراٹاکرا 10 فروری کو امریکا کے خلاف میچ سے ہے۔قومی ٹیم کا 15 فروری کو بھارت کے خلاف میچ شیڈول تھا، تاہم اب حکومتی اعلان کے بعد پاکستانی ٹیم  یہ میچ نہیں کھیلےگی۔ پاکستان کا گروپ میں آخری میچ 18فروری کو نمیبیاکے خلاف شیڈول ہے۔