8 کروڑ لیٹر ڈیزل کے ساتھ پاکستانی جہاز آبنائے ہرمز پار کر گیا

پاکستان نیشنل شپنگ کارپوریشن کا تیل بردار جہاز ‘خیرپور’ امریکی ناکہ بندی اور سخت نگرانی کے باوجود آبنائے ہرمز کو کامیابی سے پار کرنے کے بعد خلیجِ عمان میں داخل ہو گیا ہے۔ ذرائع کے مطابق، ایرانی پاسدارانِ انقلاب نے پاکستانی جہاز کو خصوصی اجازت دیتے ہوئے گزرنے کا راستہ فراہم کیا۔ یہ جہاز کویت کی بندرگاہ سے 8 کروڑ لیٹر ڈیزل لے کر پاکستان کے لیے روانہ ہوا تھا اور اگلے دو سے تین روز میں کراچی بندرگاہ پہنچ جائے گا۔ اوگرا (OGRA) حکام کا کہنا ہے کہ اس بڑے کارگو کی آمد سے ملک میں ایندھن کے ذخائر میں خاطر خواہ اضافہ ہوگا اور توانائی کی صورتحال مستحکم ہوگی۔