پاکستان سٹاک مارکیٹ میں کاروبار کے مثبت آغاز کے بعد شدید مندی

پاکستان اسٹاک ایکسچینج میں کاروباری ہفتے کے تیسرے روز ملا جلا رجحان دیکھا گیا، جہاں ابتدائی سیشن میں 600 سے زائد پوائنٹس کے اضافے کے بعد KSE-100 انڈیکس 176,935 کی سطح پر پہنچ گیا، تاہم ٹریڈنگ کے دوران مارکیٹ میں اچانک شدید مندی غالب آ گئی۔ انڈیکس 1,800 سے زائد پوائنٹس کی بڑی کمی کے ساتھ 175,631 پوائنٹس کی سطح پر نیچے آ گیا۔ واضح رہے کہ گزشتہ کاروباری روز بھی انڈیکس 638 پوائنٹس کمی کے ساتھ 177,623 کی سطح پر بند ہوا تھا۔ دوسری جانب انٹربینک میں روپئے کے مقابلے میں امریکی ڈالر 1 پیسہ سستا ہو کر 277.84 روپے کی سطح پر ٹریڈ ہوتا رہا۔