پاکستان سٹاک مارکیٹ میں ایک لاکھ 74 ہزار پوائنٹس کی حد بحال

کراچی: پاکستان اسٹاک مارکیٹ (PSX) میں کاروباری ہفتے کے پہلے ہی روز زبردست تیزی دیکھی گئی، جس کے نتیجے میں ہنڈرڈ انڈیکس ایک بار پھر 1 لاکھ 74 ہزار پوائنٹس کی نفسیاتی حد بحال کرنے میں کامیاب ہو گیا ہے۔

کاروبار کے آغاز پر ہی سرمایہ کاروں کی جانب سے بھرپور دلچسپی دیکھی گئی اور انڈیکس میں 1,000 سے زائد پوائنٹس کا نمایاں اضافہ ریکارڈ کیا گیا۔ اس تیزی کے ساتھ پاکستان اسٹاک مارکیٹ کا ہنڈرڈ انڈیکس 1 لاکھ 74 ہزار 336 پوائنٹس کی بلند ترین سطح پر پہنچ گیا ہے۔

معاشی ماہرین کا کہنا ہے کہ مارکیٹ میں مثبت رجحان سرمایہ کاروں کے اعتماد کی عکاسی کرتا ہے۔ واضح رہے کہ گزشتہ کاروباری ہفتے کے آخری روز بھی مارکیٹ میں مثبت رجحان رہا تھا اور 100 انڈیکس 999 پوائنٹس کے اضافے کے ساتھ 1 لاکھ 73 ہزار 169 پوائنٹس پر بند ہوا تھا۔ آج کی اس پیش رفت سے مارکیٹ میں تیزی کا تسلسل برقرار رہنے کی امید ظاہر کی جا رہی ہے۔