سٹاک مارکیٹ میں تیزی کے بعد مندی، انڈیکس میں 2690 پوائنٹس کی کمی

پاکستان اسٹاک ایکسچینج میں کاروباری ہفتے کے چوتھے روز شروعاتی تیزی کے بعد اچانک مندی چھا گئی، جس کے باعث سرمایہ کاروں کو اربوں روپے کا نقصان برداشت کرنا پڑا۔ دن کے آغاز پر ہنڈرڈ انڈیکس 800 سے زائد پوائنٹس کے اضافے سے 1,75,237 (ایک لاکھ 75 ہزار 237) کی سطح پر پہنچ گیا تھا، تاہم ٹریڈنگ کے دوران پرافٹ ٹیکنگ اور فروخت کے شدید دباؤ کی وجہ سے انڈیکس 2,690 پوائنٹس کی بڑی کمی کے ساتھ 1,71,739 کی سطح پر بند ہوا۔ واضح رہے کہ اس سے گزشتہ کاروباری روز بھی ہنڈرڈ انڈیکس 1,703 پوائنٹس کی کمی سے 1,74,429 کی سطح پر بند ہوا تھا، اور مسلسل دوسرے روز کی اس مندی نے مارکیٹ پر منفی اثرات ڈالے ہیں۔