سٹاک مارکیٹ میں مندی کے ڈیرے، انڈیکس میں مزید 1085 پوائنٹس کی کمی

پاکستان اسٹاک مارکیٹ میں مندی کا رجحان برقرار ہے، جس کے باعث مسلسل دوسرے روز ہنڈرڈ انڈیکس منفی زون میں بند ہوا۔ کاروباری ہفتے کے دوسرے روز ٹریڈنگ کے دوران مارکیٹ میں شدید فروخت کا دباؤ دیکھا گیا اور انڈیکس ایک موقع پر 1000 سے زائد پوائنٹس گر گیا۔ کاروباری روز کے اختتام پر ہنڈرڈ انڈیکس 1085 پوائنٹس کی کمی کے ساتھ 1 لاکھ 68 ہزار 412 کی سطح پر بند ہوا۔ مارکیٹ میں مجموعی طور پر 22 ارب 43 کروڑ روپے سے زائد مالیت کے 59 کروڑ شیئرز کا لین دین ہوا۔ واضح رہے کہ گزشتہ روز بھی انڈیکس میں 1174 پوائنٹس کی کمی ریکارڈ کی گئی تھی، جس سے سرمایہ کاروں میں تشویش کی لہر دوڑ گئی ہے۔