پاکستان سٹاک مارکیٹ میں زبردست تیزی، انڈیکس 4500 پوائنٹس بڑھ گیا

پاکستان اسٹاک ایکسچینج (PSX) میں نئے کاروباری ہفتے کا آغاز انتہائی مثبت زون میں ہوا ہے، جہاں 100 انڈیکس میں زبردست تیزی دیکھی جا رہی ہے۔ کاروباری کے پہلے روز اسٹاک مارکیٹ میں 4500 سے زائد پوائنٹس کا نمایاں اضافہ ریکارڈ کیا گیا، جس کے نتیجے میں ہنڈرڈ انڈیکس 1 لاکھ 75 ہزار پوائنٹس کی بلند سطح پر ٹریڈ کرنے لگا۔ واضح رہے کہ گزشتہ ہفتے کے اختتام پر مارکیٹ میں 1800 سے زائد پوائنٹس کی کمی دیکھی گئی تھی اور 100 انڈیکس 1 لاکھ 69 ہزار 885 پوائنٹس کی سطح پر بند ہوا تھا، تاہم نئے ہفتے کی شروعات نے سرمائے کے تحفظ اور تجارتی سرگرمیوں کو ایک بار پھر بحال کر دیا ہے۔