عالمی منڈی میں خام تیل کی قیمتوں میں بڑی کمی؛ ملک میں پیٹرولیم مصنوعات کی قیمتوں میں ردو بدل آج ہوگا

پاکستان میں پیٹرولیم مصنوعات کی قیمتوں میں ردو بدل کے لیے اوگرا کی جانب سے سمری آج وفاقی حکومت کو ارسال کی جائے گی، جس کی حتمی منظوری وزیراعظم شہباز شریف دیں گے۔ گزشتہ ایک ہفتے کے دوران عالمی منڈی میں خام تیل کی قیمتوں میں بڑی کمی ریکارڈ کی گئی ہے، جہاں امریکی خام تیل (WTI) 6.72 ڈالر سستا ہو کر 95.22 ڈالر فی بیرل پر آ گیا ہے۔ اسی طرح برطانوی برینٹ کی قیمت میں بھی 7.61 ڈالر فی بیرل کی کمی دیکھی گئی ہے، جس کے بعد اس کی قیمت 100.56 ڈالر فی بیرل تک گر گئی ہے۔ عالمی مارکیٹ میں آنے والی اس گراوٹ کے باعث مقامی سطح پر قیمتوں میں کمی کے امکانات روشن ہو گئے ہیں۔