LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

پیٹرولیم ڈیلرز کی حکومت کو 26 مارچ تک ڈیڈ لائن، مطالبات نہ مانے گئے تو ملک بھر میں پمپ بند کرنے کی دھمکی

Web Desk

13 March 2026

چیئرمین پاکستان پیٹرولیم ڈیلرز ایسوسی ایشن عبدالسمیع خان نے کراچی پریس کلب میں پریس کانفرنس کرتے ہوئے کہا ہے کہ ملک بھر کے پیٹرولیم ڈیلرز شدید مشکلات کا شکار ہیں۔

اس موقع پر وائس چیئرمین طارق حسن نے کہا کہ پیٹرولیم مصنوعات کی قیمتوں اور لیوی میں اضافہ ناقابل قبول ہے۔ ان کا کہنا تھا کہ حکومت نے پیٹرولیم مصنوعات کی قیمت میں 55 روپے فی لیٹر اضافہ کیا جس میں 21 روپے لیوی شامل ہے، تاہم باقی رقم کا حساب واضح نہیں کیا گیا۔

انہوں نے الزام عائد کیا کہ آئل مارکیٹنگ کمپنیاں ڈیلرز کو پیٹرول فراہم نہیں کر رہیں جس کے باعث کئی پیٹرول پمپ خشک ہو رہے ہیں، جبکہ کمپنیوں کی ذخیرہ اندوزی میں حکومت کی معاونت بھی شامل ہے۔

طارق حسن کے مطابق آج بھی پیٹرولیم مصنوعات کی قیمتوں میں 50 سے 60 روپے فی لیٹر اضافے کا خدشہ موجود ہے۔ انہوں نے بتایا کہ پاکستان میں 12 سے 14 ہزار پیٹرول پمپس کام کر رہے ہیں اور ڈیلرز ایڈوانس انکم ٹیکس بھی ادا کرتے ہیں، لیکن اس کے باوجود ان کا مارجن صرف 2.59 فیصد یعنی تقریباً 8 روپے 64 پیسے ہے۔

ان کا کہنا تھا کہ اوگرا نے گزشتہ سال مارجن میں 1.68 روپے فی لیٹر اضافے کی سمری حکومت کو بھیجی تھی، مگر وزیراعظم نے ڈیجیٹائزیشن کی شرط لگا کر اسے مسترد کر دیا۔

پیٹرولیم ڈیلرز ایسوسی ایشن نے حکومت کو 26 مارچ تک ڈیڈ لائن دیتے ہوئے کہا ہے کہ اگر مطالبات تسلیم نہ کیے گئے تو ملک بھر میں پیٹرول پمپس غیر معینہ مدت کے لیے بند کر دیے جائیں گے۔

ڈیلرز کے مطالبات میں پیٹرولیم مصنوعات کی قیمت میں اضافے کی رقم کا آڈٹ، آئل مارکیٹنگ کمپنیوں کے خلاف تحقیقات اور پیٹرولیم ڈیلرز کا مارجن 8 فیصد تک بڑھانا شامل ہے۔ انہوں نے کہا کہ وہ رمضان میں عوام کو پریشان نہیں کرنا چاہتے، تاہم اپنے حقوق کے لیے احتجاج پر مجبور ہو سکتے ہیں۔