آپریشن شعبان: بلوچستان میں فورسز کی تازہ کارروائیوں میں 9 دہشت گرد ہلاک
Web Desk
11 July 2026
بلوچستان میں امن و امان کی بحالی کے لیے پاک فوج، ایف سی بلوچستان اور پولیس کی جانب سے فتنہ الخوارج کے دہشت گردوں کے خلاف مشترکہ ’آپریشن شعبان‘ بھرپور انداز میں جاری ہے۔ سیکیورٹی ذرائع کے مطابق، تازہ ترین مؤثر کارروائیوں کے دوران مزید 9 خارجی دہشت گردوں کو جہنم واصل کر دیا گیا ہے۔ سیکیورٹی فورسز نے جدید ترین فضائی اور زمینی کارروائیوں کے ذریعے دشوار گزار پہاڑی سلسلوں اور دور دراز راستوں میں چھپے ہوئے دہشت گردوں کے ٹھکانوں کو نشانہ بنایا۔
سیکیورٹی ذرائع نے تفصیلات بتاتے ہوئے کہا ہے کہ جاری ’آپریشن شعبان‘ کے دوران اب تک ہلاک ہونے والے دہشت گردوں کی مجموعی تعداد 52 ہو چکی ہے، جبکہ 5 جولائی سے اب تک اس آپریشن اور دیگر انٹیلی جنس بیسڈ آپریشنز (IBOs) کے نتیجے میں مجموعی طور پر 88 خطرناک دہشت گرد مارے جا چکے ہیں۔ حکام کا کہنا ہے کہ بلوچستان کی دھرتی سے آخری دہشت گرد کے خاتمے تک یہ آپریشن بلاامتیاز جاری رکھا جائے گا۔
دوسری جانب، وزیر اعظم شہباز شریف نے کامیاب کارروائیوں پر سیکیورٹی فورسز کی کارکردگی کو سراہتے ہوئے عزم دہرایا ہے کہ ملک سے دہشت گردی کی لعنت کو جڑ سے اکھاڑ پھینکا جائے گا۔ وفاقی وزیر داخلہ محسن نقوی نے بھی پاک فوج، ایف سی اور پولیس کے جوانوں کو خراجِ تحسین پیش کرتے ہوئے کہا کہ ہماری بہادر فورسز نے دشمن کے ناپاک عزائم کو خاک میں ملا دیا ہے۔ انہوں نے واضح کیا کہ امن کے دشمن ملک و قوم پر بوجھ ہیں اور اب انہیں کہیں بھی چھپنے کی جگہ نہیں ملے گی۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں
17 November 2026
امریکا کا ایران پر واشنگٹن میں ڈرٹی بم حملے کی منصوبہ بندی کا الزام
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026