افغانستان میں دہشتگردوں کیخلاف 56 سٹرائیکس کی جا چکیں: سکیورٹی ذرائع

سکیورٹی ذرائع کے مطابق پاکستان نے افغانستان میں دہشت گردوں کے خلاف 56 آپریشنز کیے ہیں۔ ان کارروائیوں کا مقصد افغان عوام نہیں بلکہ دہشت گردوں کو نشانہ بنانا ہے۔ افغان فورسز ٹی ٹی پی کو سہولت اور تحفظ فراہم کر رہی ہیں، اور دہشت گرد قیادت شہری علاقوں میں چھپی ہوئی ہے۔

پاک فوج نے دہشت گردوں کے مراکز، بشمول بگرام اور دیگر علاقوں کو نشانہ بنایا، جبکہ سرحدی علاقوں میں کرمنل نیٹ ورک بھی فعال تھا۔ ملک میں روزانہ 200 سے زائد انٹیلی جنس بیسڈ آپریشنز جاری ہیں۔

سکیورٹی ذرائع کا کہنا ہے کہ دہشت گردی کے خاتمے کے لیے ریاستی اقدامات مزید سخت کیے جا رہے ہیں، مدارس کی رجسٹریشن، ادویہ اصلاحات اور غیر قانونی افغان باشندوں کی واپسی پر عمل جاری ہے۔ بنوں میں بچی پر تشدد کے واقعے کو انتہا پسندی کی بدترین مثال قرار دیا گیا ہے۔خیبر پختونخوا پولیس کو سیاسی دباؤ سے آزاد کیا جائے تو دہشت گردی ختم کی جا سکتی ہے، اور پاکستان میں شریعت نافذ کرنے والے عناصر کی اجازت نہیں۔ عوام اور قیادت فورسز کی قربانیوں پر افسردہ مگر پُرعزم ہیں۔