وزیر خارجہ اسحاق ڈار آسیان ریجنل فورم میں شرکت کے لیے فلپائن روانہ

نائب وزیراعظم و وزیر خارجہ اسحاق ڈار آسیان ریجنل فورم (ARF) کے 33ویں وزارتی اجلاس میں شرکت کے لیے فلپائن روانہ ہو گئے ہیں۔ دفتر خارجہ کے ترجمان کے مطابق یہ اہم اجلاس 22 اور 23 جولائی 2026 کو منعقد ہو رہا ہے، جہاں اسحاق ڈار علاقائی و عالمی سیاسی اور سکیورٹی مسائل پر پاکستان کا موقف پیش کریں گے۔ اپنے دورے کے دوران وہ خطے میں پائیدار امن، استحکام اور تعمیری اقتصادی تعاون کے فروغ کے لیے پاکستان کے عزم کا اعادہ کریں گے۔ ترجمان نے مزید بتایا کہ وزیر خارجہ اجلاس کے موقع پر مختلف ممالک کے ہم منصبوں اور عالمی رہنماؤں سے دوطرفہ ملاقاتیں بھی کریں گے، جن میں باہمی تعلقات اور مشترکہ دلچسپی کے امور پر تبادلہ خیال کیا جائے گا۔