مودی کی رہائش گاہ کے باہر احتجاج، راہول اور پریانکا گاندھی گرفتار

بھارتی پولیس نے اپوزیشن جماعت کانگریس کے مرکزی رہنماؤں راہول گاندھی اور پریانکا گاندھی کو گرفتار کر لیا ہے۔ بھارتی میڈیا کی رپورٹس کے مطابق دونوں رہنماؤں کو نئی دہلی میں وزیراعظم نریندر مودی کی رہائش گاہ کے باہر احتجاجی مظاہرے کی قیادت کرتے ہوئے حراست میں لیا گیا۔ پولیس نے مظاہرین کو آگے بڑھنے سے روکنے اور احتجاج ختم کرانے کے لیے کارروائی کی، جس کے دوران راہول گاندھی اور پریانکا گاندھی کو دیگر کارکنوں سمیت گرفتار کر کے نامعلوم مقام پر منتقل کر دیا گیا۔ ملک میں مودی حکومت کی پالیسیوں کے خلاف جاری حالیہ مظاہروں اور طلبہ کے احتجاج کے باعث دارالحکومت میں سیاسی کشیدگی انتہائی بڑھ گئی ہے۔