برازیل اور امریکا کے درمیان تجارتی جنگ : نیا محاذ کھل گیا

امریکا اور برازیل کے درمیان حالیہ تجارتی کشیدگی کی بڑی وجہ برازیل کا مشہور مفت ڈیجیٹل پے منٹ سسٹم “پکس” (Pix) اور ٹرمپ انتظامیہ کی جانب سے لگائے گئے نئے ٹیرف بن گئے ہیں۔ غیر ملکی میڈیا رپورٹ کے مطابق، واشنگٹن نے اس پبلک سسٹم کو امریکی مالیاتی کمپنیوں (ویزا اور ماسٹر کارڈ) کے لیے غیر منصفانہ قرار دیتے ہوئے برازیلی درآمدات پر 25 فیصد ڈیوٹی عائد کر دی ہے، جس پر برازیل نے شدید ردعمل دیا ہے۔ 2020 میں متعارف کرائے گئے اس نظام کے 17 کروڑ سے زائد صارفین ہیں اور یہ ملک کے 50 فیصد سے زائد مالی لین دین (سالانہ 6.7 ٹریلین ڈالر) کو سنبھالتا ہے۔ برازیل کے مرکزی بینک کے سربراہ گیبریل گالیپولو نے امریکی موقف کو بے بنیاد قرار دیتے ہوئے کہا ہے کہ پکس ایک عوامی خدمت کا نظام ہے اور امریکی اعتراضات صرف نجی کمپنیوں کے مفادات کے تحفظ کے لیے کیے جا رہے ہیں۔