پاک چین زرعی تعاون: 885 ماہرین جدید تربیت کے بعد وطن واپس، زراعت میں مصنوعی ذہانت کا دور شروع

وزیراعظم پاکستان کے وژن کے تحت چین سے جدید زرعی تربیت حاصل کرنے والے 885 گریجویٹس کا پہلا بڑا گروپ وطن واپس پہنچ گیا ہے۔ ہائر ایجوکیشن کمیشن (HEC) کے مطابق ان ماہرین میں 648 مرد اور 237 خواتین شامل ہیں جو اب ملک بھر میں ‘ماسٹر ٹرینرز’ کے طور پر کام کریں گے۔ ان ماہرین نے چین کی معروف جامعات سے ڈرونز، آئی او ٹی (IoT) اور مصنوعی ذہانت (AI) کے ذریعے کاشتکاری کے جدید طریقے سیکھے ہیں۔ اس پروگرام کا بنیادی مقصد پاکستان کے روایتی زرعی ڈھانچے کو جدید ٹیکنالوجی پر منتقل کر کے پیداوار میں خاطر خواہ اضافہ کرنا ہے۔