تیل نکالنے کی ٹیکنالوجی سے پاکستانی کمپنی کو بڑی کامیابی مل گئی

او جی ڈی سی ایل نے توانائی کے شعبے میں ایک اہم کامیابی حاصل کی ہے اور جدید تیل نکالنے کی ٹیکنالوجی کے ذریعے کال تھری کنوئیں کی یومیہ پیداوار 50 بیرل سے بڑھا کر 750 بیرل یومیہ تک پہنچا دی۔

کمپنی کے مطابق پیداوار میں اضافے کے لیے تیل نکالنے کے مختلف مراحل میں مخصوص کیمیکلز استعمال کیے گئے، اور ای ایس پی (ESP) سسٹم کی تنصیب نے یومیہ پیداوار میں زبردست اضافہ کیا۔

قبل از یہ جدید ٹیکنالوجی، کال تھری کنوئیں کی یومیہ پیداوار تقریباً 50 بیرل تھی، لیکن اب یہ 750 بیرل تک پہنچ گئی ہے، جس میں 700 بیرل یومیہ کا اضافہ ریکارڈ کیا گیا ہے۔

کمپنی نے اسٹاک ایکسچینج کو مطلع کیا کہ یہ پیش رفت ملکی توانائی کے شعبے میں نمایاں اضافہ اور خودکفالت کی جانب اہم قدم ہے۔ توانائی ماہرین کے مطابق اس کامیابی سے پاکستان میں تیل کی پیداوار میں استحکام اور سرمایہ کاری کے مواقع بڑھیں گے۔