جوا ایپ تشہیر کیس: یوٹیوبر اقرا کنول اور شوہر اریب کی ضمانت منظور

لاہور کی سیشن کورٹ نے آن لائن جوا ایپ کی مبینہ تشہیر سے متعلق کیس میں معروف یوٹیوبر اقرا کنول اور ان کے شوہر اریب کی عبوری ضمانت کنفرم کر دی ہے۔ ایڈیشنل سیشن جج نصرت علی صدیقی نے مقدمے کی سماعت کی، جس کے دوران دونوں ملزمان عدالت کے روبرو پیش ہوئے اور اپنی حاضری مکمل کروائی۔ سماعت کے دوران فریقین کے وکلاء نے اپنے اپنے مؤقف کے حق میں تفصیلی دلائل دیے۔ عدالتِ عالیہ نے وکلاء کے دلائل سننے کے بعد دونوں ملزمان کی عبوری ضمانت مستقل بنیادوں پر منظور کرنے کا حکم جاری کیا۔ واضح رہے کہ نیشنل سائبر کرائم انویسٹی گیشن ایجنسی (NCCIA) نے اقرا کنول اور اریب کے خلاف انٹرنیٹ پر جوئے کی ایپلی کیشن کی مبینہ پبلسٹی اور تشہیر کرنے کے الزام میں مقدمہ درج کر رکھا ہے۔